Андрей Фёдоров устозлигидаги “Нефтчи” футболчиларининг Тошкент вилоятидаги йиғинлари ўз ниҳоясига етди.

Фарғона жамоаси 11 кун давомида Дукентда йиғин ўтказди ва Тошкент шаҳрида 2 ўртоқлик баҳсида иштирок этди. Мазкур беллашувлар “Бухоро” (2:3) ҳамда “Пахтакор”(1:1) жамоаларига қарши ўтказилди. Жамоа бош мураббийи Андрей Фёдоров 23 июль куни “Пахтакор”га қарши ўйиндан сўнг барча жамоа аъзоларига 26 июлга қадар таътил берди. Қисқа ҳордиқдан сўнг фарғоналиклар Қиргулидаги қароргоҳда йиғилишади ва иккинчи даврага бўлган сўнгги тайёргарлик жараёнини ўтказишади.

Эслатиб ўтамиз, “Нефтчи” жамоаси биринчи давранинг дастлабки баҳсида Тошкентнинг “Бунёдкор” жамоасини ўз майдонида қабул қилади.