«Ман Сити» клубининг бош мураббийи Хосеп Гвардиола баъзи футболчиларнинг шартномасидаги бандлар туфайли янги жамоани шакллантира олмаяпти.

AS хабарига кўра 7 нафар футболчи - Навас, Фернандиньо, Кабальеро, Яя Туре, Клиши, Сабалета ва Санья клубни тарк этишни истамаяпти. Уларнинг шартномасида «содиқлик келишуви» ҳақида банд бор. Унга кўра футболчилар ўз шартномаларини охиригача ўйнаб беришса, клубдан катта миқдорда мукофот пули олишади.

Бундан ташқари, АПЛ қоидасига кўра, ҳар бир клубда 21 ёшдан ошган 17 нафар хорижлик футболчига рухсат бор. «Ман Сити»да бундай футболчилар сони 18 нафарни ташкил қилмоқда.

Агар юқорида номи тилга олинган футболчилар клубни тарк этишдан бош тортишса, Гвардиола янги трансферларни амалга оширолмай қолади.