Йиғин учун яратилган шароитлардан бош мураббий Жозе Моуриньюнинг кўнгли тўлмаган бўлса-да, «Манчестер Юнайтед» ижрочи директори Эд Вудворд жамоа Хитойга яна келишига ваъда берди.

The Sun нашри хабарига кўра, Хитойдаги ноқулай об-ҳаво шароити туфайли жамоа тайёргарлиги чала қолгани, шунингдек, «Манчестер Сити»га қарши ўйини бекор қилинганидан норози бўлган. 

Бундан ташқари, клуб Хитой турнеси давомида қўлга киритишни мўлжаллаган даромаднинг каттагина қисмидан қуруқ қолди. Шунга қарамай, мазкур бозор «МЮ» учун истиқболли ҳисобланади ва «МЮ» келаси йили ёки қишда Хитойга яна қайтади.

«МЮ»дан ташқари, «Манчестер Сити» ҳам Хитойга яна келишга ваъда берган. Хитойда ҳар иккала жамоанинг кўп сонли ишқибозлари бор.