«Ростов» клубининг бош мураббийи Қурбон Бердиев Чемпионлар лигаси 3-саралаш босқичида «Андерлехт» (2:2) клубига қарши ўтказилган ўйиндан сўнг ўз фикрларини баён этди.

«Андерлехт» маҳорат эвазига ўз имкониятларидан фойдаланиб қолди, бироқ ўйинимиздан қониқдим. Тўғри, натижа яхши эмас, аммо иложсиз нарсанинг ўзи йўқ, Бельгияга яхши умид билан отланамиз.

Ўтказиб юборилган тезкор гол йигитларни карахт аҳволга солди, аммо биз яхши ўйин ўтказдик. Сўнгги дақиқаларда чарчоқ аломатлари сезилиб қолди, чунки баъзи футболчиларни ўрнини босадиган ўйинчилар бизда йўқ» - деди Бердиев.