Тўсатдан келган бойлик инсонни бир зумда ўзгартириб юбориши турган гап. Афсонавий бокс қироли бўлмиш Муҳаммад Алининг вафотидан сўнг катта миқдорда бойликни қўлган киритган кичкина Муҳаммад Али отасининг ўлимига бир ой бўлар-бўлмас хотини ва болаларидан воз кечди.

Ринг қиролининг ўғли отасидек жасур бўлмади. У қўрқоқ, тенгдошларидан калтак еб юрадиган бола бўлиб улғайди. Ҳатто чемпионнинг ҳам ўғли калтак ейиши мумкинлигини кўрсатиб қўйиб машҳур бўлиш учун ҳам унга муштумзўрлик қиладиганлар кўп бўлган.

Кичкина Али ўсмирлигида гиёҳванд моддаларга муккасидан кетиб, бекорчиликни ўзига одат қилган. У анча йиллар олдин уни йўлга солишни истаган отаси ва оиласи билан алоқаларни узган бўлиб, хаста отасининг ҳолидан хабар олмай қўйган. Хотини ва икки қизи эса дангаса эр билан қўл учида кун кўришган.

Кичкина Али ҳар доим отасини уни молиявий ва руҳий жиҳатдан қўллаб-қувватламаганликда айблаб келган.

Кичкина Алига яқин манбааларнинг айтишича, боксчи оқибатсиз ўғлига $80 миллион доллар маблағ мерос қолдирган. Хотинига ўзига ёққан бирор нима, қизларга оёқ кийими харид қилиши учун 75 доллар пул берган Кичкина Али айни кунда оиласини ташлаб, Чикагодаги ҳашамдор бир уйга кўчиб ўтган.