Клубни хитойлик инвесторларга сотилиш жараёнини чўзилиби кетиши, натижада трансфер бозоридаги ҳаракатларнинг «музлатиб» қўйилиши «россонери» мухлисларини норозилигига сабаб бўлди. Натижада 200 нафарга яқин мухлис Берлускони уйи олдида намойиш уюштиришди.

Бундан хабар топган Берлускони мухлислардан уч нафарини уйига таклиф қилиб, бамайлихотир суҳбатлашиб олди. Унинг гапига кўра хитойлик инвесторлар билан бўлган музокараларнинг чўзилишига қоғозбозлик жараёни айбдор. Ўз навбатида мухлислар, клубни сотилиши бўйича музокараларнинг якунидан қатъий назар Адриано Галлиани истеъфосини талаб қилишди.