«Реал»нинг ёш ўйинчилари — Марко Асенсио ва Маркос Льоренте кейинги мавсумни Мадрид клуби сафида ўтказишга яқин турибди.
AS нашри хабарига кўра, бу ёш футболчилар «ПСЖ»га қарши ўйинда ўзини яхши кўрсата олган. Энди уларда ижарага кетишга эмас, балки янги мавсум асосий жамоа сафида қолиш учун яхши имконият бор.
Қайд этишларича, мадридликлар раҳбарияти Асенсиони катта келажак кутаётганига ишонади, бироқ, дебюти муваффақиятсиз чиқса, танқиддан синиб қолишидан хавотирда.
Льоренте масаласида эса унинг Ла Лигада бирорта ҳам ўйин ўтказмагани камчилик сифатида тилга олинмоқда. Бироқ у «Кастиля»даги ҳамкорликдаги фаолият туфайли Зидан билан яқиндан таниш.
