«Атлетико» ҳужумчиси Лусиано Вьетто «Севилья»га ўтишга яқин турибди. 

As нашри ахборотига кўра, аргентиналик футболчи Андалусия клуби сафида тиббий кўрикдан ўтиб бўлган. 

Трансфернинг барча жиҳатлари ҳали келишиб олинмаган бўлса-да, «Атлетико» футболчига «Севилья» такрибида шуғулланишга рухсат берган. 

Қайд этишларича, музокаралардаги баъзи келишмовчилик «Атлетико» томони «Севилья» ҳужумчиси Кевин Гамейрога даъвогарлик қилаётгани билан боғлиқ. 

Аввалроқ Вьеттонинг ижараси «Севилья»га 3 миллион еврога тушиши маълум бўлган эди. Бир йилдан сўнг клуб 22 ёшли футболчини 20 млн еврога сотиб олиши мумкин.