“Арсенал” бош мураббийи Арсен Венгер Англия чемпионатида ғолиблик учун курашдаги рақобат ўсиб бораётганини қайд этди. 

“Премьер-лигада ғолиб чиқиш — бугун энг қийин вазифалардан бири. Клубларнинг таркибига назар ташлар экансан, барчасининг мақсади катта экани кўринади”, — деди Венгер. 

“Шунчаки ўйинчиларнинг ўтиши учун қанча пул тўланаётганига бир назар ташлашнинг ўзи етарли. Бу ҳолат қўрқитади. Бироқ Англия чемпионатининг бугунги манзараси шундай”, — деди Венгер. 

“Яна бир марта кучли тўртликдан ўрин олишдан қониқиш ҳосил қиламизми? Йўқ, мен ҳеч қачон бундан қониқиш ҳосил қилмаганман”, — деди “Арсенал” бош мураббийи. 

“Ўтган мавсум нисбатан кам гол урдик, ҳужумни кучайтиришга ҳаракат қиламиз. Ҳимояда бизга бироз кўпроқ тажриба керак. Марказимиз эса, фикримча, яхши қуроллантирилган”, — деди Венгер.