«Интер» ва «Лацио» римликлар ярим ҳимоячиси Антонио Кандреванинг трансфери борасида келишувга эришди.

Gazzetta dello Sport нашри хабарига кўра, «Интер» узоқ вақт давомида «Лацио»ни футболчининг нархини туширишга кўндиришга уринган, бироқ римликлар президенти Клаудио Лотито ярим ҳимоячини 25 млн евродан камига сотмаслигини маълум қилган. 

Оқибатда, миланликлар футболчи учун 21 миллион еврони дарҳол, агар жамоа Кандрева билан бирга қандайдир натижага эришса, бонус тариқасида яна 4 миллион евро тўлайдиган бўлган.

Қайд этишларича, дастлаб «Интер» Кандрева учун бонуслари билан бирга 18 миллион евродан ортиқ пул тўламоқчи эмас эди. 

29 ёшли футболчи Милан клуби билан тўрт йилга мўлжалланган шартнома имзолайди ва йилига 2,7 миллион евро миқдорида маош олади. 

Мазкур савдо дам олиш кунлари давомида тўлиқ тугалланиши, Кандреванинг ўзи эса 4 август куни Миланга келиши кутилмоқда.