«Вест Хэм» клуби «Манчестер Сити» ва «Наполи» ҳам даъвогарлик қилаётган «Суонси» ярим ҳимоячиси Андре Айюни сотиб олиш фикридан ҳали ҳам қайтмаган.
Daily Mail ахборотига кўра, уэльсликлар 26 ёшли ганаликни 16 миллион фунт эвазига лондонликларга сотишдан бош тортган, энди «Вест Хэм» ўз таклифини 20 миллионгача оширди.
«Вест Хэм» раҳбарияти «Лион» ҳужумчиси Александр Лакасеттга «Арсенал» таклиф қилаётган маошни тўлай олмаслиги аниқ бўлгани сабаб курашдан чиққанидан сўнг, бор эътиборини Айюга қаратган.
Маълумот учун, Андре Айю Англия чемпионатининг ўтган мавсумида 34 учрашувда майдонга тушиб, 12 та гол урган ва 5 та голга ҳаммуаллифлик қилган.
