«Милан» клуби «Ювентус» ҳужумчиси Симоне Дзадзага ҳали ҳам қизиқиш билдирмоқда.
La Gazzetta dello Sport нашри ахборотига кўра, «Милан» 25 ёшли италияликни ижарага олмоқчи, «Ювентус» эса уни сотмоқчи ва футболчи учун 25 млн евро сўрамоқда.
Италия терма жамоаси аъзосига, «Милан»дан ташқари, «Рома», «Вест Хэм» ва «Вольфсбург» жамоалари ҳам даъвогарлик қилмоқда.
Маълумот учун, Италия чемпионатининг сўнгги мавсумида Дзадза 19 учрашувда майдонга тушган, 5 та гол урган ва битта голга ҳаммуаллифлик қилган.
