“Палмейрас”нинг 38 ёшли дарвозабони Фернандо Прасс Рио-де-Жанейродаги Олимпиадани ўтказиб юборадиган бўлди. 

Фаолияти давомида ҳеч қачон Бразилия терма жамоасида ўйнамаган Прасс кутилмаган Бразилиянинг Олимпиадада иштирок этадиган таркибидан ўрин олган эди, бироқ Японияга қарши ўйин олдидан ташкил этилган машғулотла рвақтида жароҳат олди. 

“Мен ўз орзумни рўёбга чиқариб, Бразилия терма жамоаси ўйинчисига айланиш учун ҳаракат қилдим, бироқ орзу орзулигича қоладиган бўлди. Бугун тиббий текширувдан ўтдим, менга тирсак синиши ташхиси қўйилди”, — деди Прасс. 

“Мен Олимпиадани ўтказиб юбораман, бироқ “Палмейрас”га ёрдам бериш ва, эҳтимол, миллий терма жамоада ўйнаш учун яна бир имконни қўлга киритиш учун янада кучли бўлиб қайтаман”, — дея қўшимча қилди 38 ёшли дарвозабон.