«Интер» ярим ҳимоячиси Иван Перишичнинг манфаатларини ҳимоя қилувчи агент Тони Мартич унинг мижози клубни тарк этмоқчи эмаслигини маълум қилди.
«Интер» мухлисларини хотиржам қилишим мумкин. Мижозимга кўплаб кучли жамоалар қизиқиш билдираётгани нормал ҳолат. Иван шундай даражагача чиқдики, Европанинг исталган жамоасида ўйнаб кета олади, деб ҳисоблайман», — деди Мартич.
«Бироқ унинг «Интер» билан яна тўрт йиллик шартномаси бор. Перишич бу клуб либосида тўп сураётганидан мамнун. У ҳозир бўлажак мавсумни қандай қилиб яхшироқ ўтказиш мумкинлиги ҳақида ўйламоқда», — дея қўшимча қилди агент.
Маълумот учун, Перишич Италия чемпионатининг сўнгги мавсумида 34 учрашувда майдонга тушиб, 7та гол урди ва 6та голли тўп узатишни амалга оширди.