«Ливерпуль»нинг янги футболчиларидан бири — Жоржиньо Вейналдум бўлажак мавсумда камида 10та гол уришни мўлжаллаётганини маълум қилди.
«Мураббий кўпроқ гол хоҳламоқда, мен ҳам ўзимга нисбатан талабчанман ва кўпроқ гол уришни истайман. Мен қаерда бўлмай — «Фейенорд»да, «ПСВ»да, «Ньюкаслда» — ҳаммаёқда кўп гол урганман», — дейди футболчи.
«Мен голга чанқоқман ва янги мавсумда буни исботлашга ҳаракат қиламан. Баъзан кўп, баъзан кам гол урасан. Ўтган мавсум 11та гол ургандим, бу сафар эса камида 10та уришни мақсад қиляпман», — дея қўшимча қилди Вейналдум.
