Аргентина терма жамоасининг янги бош мураббийи Эдгардо Бауса яқин кунларда "Барселона" ҳужумчиси Лионель Месси билан учрашмоқчи.
Месси Америка кубоги-2016дан сўнг терма жамоада бошқа ўйнамаслигини айтган ди.
"Биз Месси билан ҳам, унинг оиласи билан ҳам алоқага чиққанимиз йўқ. Мен Месси билан учрашиб, суҳбатлашмоқчиман. Уни кўндиришга уриниш керак эмас, шунчаки, футбол ҳақида суҳбатлашиш керак. Футболчи бўлганлар финалдаги маҳлубият алами ҳақида яхши тасаввурга эгалар.
Унга биз қандай ишламоқчи эканлигимизни айтиш керак. Месси майдонда нима қилиш ва қандай қарор қабул қилиш кераклигини жуда яхши билади", - дейди Бауса.
