«Лацио» клуби «Манчестер Юнайтед» ярим ҳимоячиси Аднан Янузай иштирокидаги трансфер имкониятларини ўрганиб чиқмоқда.
Яқин вақт ичида хавбек Антонио Кандрева «Лацио»ни тарк этиши мумкин. Шу муносабат билан «Лацио» қанотда ўйнай оладиган ярим ҳимоячиларни излаяпти.
«Манчестер Юнайтед»нинг янги бош мураббийи Жозе Моуринью Янузайдан фойдаланмоқчи эмас. Бу вазиятдан норози футболчи эса ўз кучини бошқа жамоада синаб кўрмоқчи.
Янузайдан ташқари, «Лацио» клуби «Аталанта» ярим ҳимоячиси Алехандро Гомес ва «Сассуоло» вакили Никола Сансонега ҳам қизиқиш билдирмоқда.
Қайд этишларича, бу футболчилардан исталганининг трансфери римликлар учун арзонга тушади.
