“Нефтчи” – “Бунёдкор” учрашувидан (2:1) кейинги матбуот анжуманининг иккинчи қисмида фарғоналиклар устози иштирок этди.

- Аввало ғалаба билан барчани табриклайман. Мухлисларнинг ташрифи ва қизғин қўллаб-қувватлашлари учун миннатдорчилик билдираман. Умид қиламанки, биринчи даврадаги қониқарсиз натижаларимиз ортда қолди. Бугун яхши ўйин кўрсатдик. Ўйлайманки, бугунги ҳаракатларимиз мухлисларга ҳам манзур бўлди.

Тўғри ташаббусни рақибга бериб қўйдик ва тўп билан кам муомалада бўлдик. Бироқ ҳаммаси режа бўйича кетганини таъкидлаш даркор. Энг муҳими - натижа! “Бунёдкор” ёмон ўйин кўрсатгани йўқ. Уларни синчиковлик билан ўрганиб чиққандик. Бугунги баҳсга тузган режаларимиз тўлиқ иш берди. Кейинги уй учрашувларимизда мухлисларнинг ташрифи янада кўпроқ бўлади, деган умиддаман, - дейди Андрей Витальевич.