«Атлетико» президенти Энрике Сересонинг маълум қилишича, клуб ҳужумчи Диего Коста масаласида «Челси» билан музокара ўтказмаган.
«Диегонинг лондонликлар билан шартномаси бор, у Антонио Конте жамоасининг бир қисми. Биз «Челси»ни ўзимизнинг дўстимиз деб ҳисоблаймиз, ўртамизда яхши муносабатлар бор», — деди Сересо.
«Диего ҳам бизнинг дўстимиз, у ҳақиқий «ҳинду», бироқ унинг жойи — «Челси»да. Унинг ҳамма ишлари бароридан келишига ишонаман», — деди «Атлетико» президенти.
«Атлетико» ҳамёни кўтармайдиган янги харидларни амалга оширишни режалаштираётгани йўқ», — дея қўшимча қилди Энрике Сересо.
