Дортмунднинг «Боруссия» клуби спорт директори Михаэль Цорк жамоа «Фиорентина» ҳужумчиси Марио Гомесга қизиқиш билдираётгани ҳақидаги хабарларни рад этди.
Аввалроқ «Интер», «Аякс», «Вест Хэм» ва «Вольфсбург» жамоалари ҳам мазкур футболчи билан шартнома имзоламоқчи экани ҳақида хабарлар пайдо бўлган эди.
«Гомесга турли клублар қизиқиш билдираётган бўлиши мумкин, бироқ улар орасида «Боруссия Дортмунд» йўқ», — деди Цорк.
«Биз ҳам бу каби хабарларни матбуот орқали қизиқиш билан ўқияпмиз. Бироқ бу ахборот ҳеч қандай асосга эга эмас», — дея қўшимча қилди Цорк.
