Халқаро футболчилар касаба уюшмаси бошқаруви аъзоси Деян Стефанович «Манчестер Юнайтед» ярим ҳимоячиси Бастиан Швайнштайгерни клубни судга беришга чақирди.
Эслатиб ўтамиз, «Манчестер Юнайтед» бош мураббийи Жозе Моуринью футболчини жамоа ёшлар таркибига ўтказиш ҳақида қарор қабул қилди. Германия термасининг собиқ ярим ҳимоячиси айни вақтда ёш футболчилар билан бирга шуғулланмоқда.
«Унинг ўрнида бўлганимда, судга мурожаат қилардим. Словениядаги Жиноят кодексида иш жойидаги таҳқирлашлар учун алоҳида жазо чораси кўзда тутилган. Одатда судга арз қилиш таҳдидининг ўзи клуб учун етарли бўлади. Англияда ҳам шундай нарса борми-йўқми, билмадим», — деди Стефанович.
«МЮ» Швайнштайгерни жамоага қайтариши шарт. У асосий таркибда майдонга тушиш мажбурий эмас, бироқ у бошқалар билан бир хил ҳуқуқларга эга бўлиши керак. Словенияда бўлганида эди, Моуринью учун энг юқори жазони сўраган бўлардим. У ёмон намуна кўрсатмоқда», — деди FIFPro вакили.
