«Милан» бош мураббийи Винченцо Монтелла «Челси»га (1:3) қарши ўйиндан сўнг ўз фикрлари билан ўртоқлашди.

«Бу мавсумлар оралиғидаги энг яхши ўйин бўлди. «Милан» кучли рақибга қарши ўйнади. Жамоамиз ўйинни бошқариб борди ва кўплаб вазиятларга эга бўлди. Мен гол уришимиз керак бўлган 4-5 вазиятни санадим. Ўйинимиздан кўнглим тўлди, бироқ якуний натижа яхши бўлмади. 70 дақиқа давомида мен жамоалар орасидаги фарқни кўрмадим, баъзан «Милан» кучли ўйин намойиш қилди. Бизга кучли рақиб ва ажойиб мураббий қаршилик қилганини унутмайлик. Биз ривожланмоқдамиз, мен мамнунман» - деди Монтелла.