«Вест Хэм» бош мураббийи Славен Билич Европа лигасида Словениянинг «Домжале» (3:0) клуби устидан қозонилган ғалабадан сўнг ўз фикрларини билдирди.
«Бизга руҳий жиҳатдан қийин бўлди. Бироқ бу босқичда яхши ўйин намойиш этдик. Жамоа ҳужумкор ўйнади ва кўпроқ гол уриши мумкин эди. Бугун футболчилар ўтган ҳафтадаги ўйинга нисбатан яхшироқ ҳаракат қилишди. Ҳозирча таркибимиз мукаммал эмас, яна 5 футболчи билан шартнома имзоламоқчи эдим», - деди Билич News and Star хабарида.
Эслатиб ўтамиз, «Вест Хэм» дастлабки ўйинда «Домжале» клубига 0:1 ҳисобида мағлуб бўлганди.
