Рио-де-Жанейро шаҳрида бўлиб ўтадиган Олимпиада ўйинларининг очилиш маросимига 45 давлат раҳбари ташриф буюради. Бу ўтган олимпиадаларга нисбатан анча камдир. Пекин-2008 да 125, Лондон-2012 да 115 давлат раҳбари иштирок этган эди.
«Баъзи давлат раҳбарлари Бразилияга ташриф буюрмоқчи эмас, чунки мамлакат чуқур иқтисодий инқирозни бошдан кечирмоқда. Унда ечилмаган муаммолар жуда кўп» - деди Бразилиа Университетининг тарих профессори Амадо Серву.
Рио-2016 очилиш маросимида Франсуа Олланд (Франция), Маурисио Макри (Аргентина), Орасио Картес (Парагвай) ва Италия бош вазири Маттео Ренци иштирок этиши кутилмоқда.
