Ҳар йили 11 август санасида футбол жамоатчилиги афсонавий “Пахтакор” жамоасини ёдга олади.
1979 йилнинг айнан ушбу санасида Украинанинг Днепропетровск шаҳри осмонида авиаҳалокат рўй бериб, 17 нафар “Пахтакор” (Тошкент) аъзоларини ҳаётига зомин бўлганди. У жамоа Ўзбекистоннинг фаҳри бўлиб, “Пахтакор”ни нафақат мамлакатимизда балки юртимиздан ташқарида ҳам кўплаб мухлислари топилар эди.
Бугун 11 август куни “Бунёдкор” ФК раҳбарияти, мураббийлари, футболчилари “Боткин” қабристонида бўлишиб, пахтакорчилар хотираси учун қад кўтарган хотира майдонига гулчамбарлар қўйишди.
