«Интер» яқин вақт ичида «Спортинг» ярим ҳимоячиси Жоау Мариуни ўз таркибига қўшиб олиш жараёнини якунлаши мумкин.
Хабар беришларича, футболчи душанба куни тиббий кўрикдан ўтиш учун Италияга келади.
Португалияликнинг трансфери учун Милан клуби, бонуслари билан қўшиб ҳисоблаганда, 45 млн евро тўлайди.
«Интер» молиявий фэйр-плэй масаласида муаммога дуч келмаслиги учун, «Спортинг» трансфер пулини тақсимлашга тайёр.
Унга кўра, «Спортинг»га дастлаб 10 миллион евро тўланади, сўнг 35 миллионлик иккинчи транш амалга оширилади.
Беш йиллик шартномага мувофиқ, 23 ёшли футболчи йилига 3 миллион евро миқдорида маош олади.
