«Торино» ҳимоячиси Бруно Перес Римнинг «Рома» клуби қизиқишлари доирасига тушиб қолди.
«Рома» футболчини сотиб олиш шарти билан ижарага олишни истамоқда.
Бунда трансфер қиймати 17 млн еврони ташкил этади, тўлов икки транш орқали амалга оширилади.
«Торино» эса 26 ёшли ўнг қанот ҳимоячиси учун камида 20 млн евро берилишини сўрамоқда.
Бруно Перес ўтган мавсум Италия чемпионатида 31 ўйинда майдонга тушиб, 3 та гол урган ва 7 та голга ҳаммуаллифлик қилган.
Бу футболчига, «Рома»дан ташқари, «Манчестер Сити», «Арсенал» ва «Лестер» клублари ҳам қизиқиш билдирмоқда.
