"Манчестер Сити" Англия Премьер-лигасининг янги мавсумини ғалаба билан бошлади.

"Шаҳарликлар" илк турда ўз майдонларида "Сандерленд"ни қабул қилдилар. Ўйиннинг 4-дақиқасида меҳмонлар ҳимоячиси ўз жарима майдончаси ичида Стерлингни чалиб йиқитди. Серхио Агуэро кучли зарба билан ҳисобни очди.

Бутун ўйин давомида мезбонлар тўпни назорат қилишга ҳаракат қилишди. Жамоа 2-3та хавфли вазият яратди, аммо рақиб дарвозасини ишғол қилиш насиб этмади. Аксинча, ўйин тугашига 20 дақиқа олганида Девид Мойес шогирдлари ҳисобни тенглаштиришди. Жарима майдончасига етказилган нозик узатма натижасида Жермейн Дево бирга-бир вазиятга чиқди ва аниқ зарба билан ҳисобни тенглаштирди.

Ўйин якунида "Манчестер Сити" босимни оширди ва рақибни хато қилишга мажбур этди. Ўйиннинг асосий вақти тугашига 3 дақиқа қолганида уюштирилган ҳужум самара берди. Хесус Навас ўнг қанотдан жарима майдончасига кирди ва дарвоза олдига кучли узатма берди. Тўп ҳимоячининг бошидан тўрига бориб тушди.

Шу тариқа, Хосеп Гвардиола АПЛдаги илк ўйинида ғалаба қозонишга муваффақ бўлди.

АПЛ, 1-ТУР
"МАНЧЕСТЕР СИТИ" - "САНДЕРЛЕНД" - 2:1 (1:0)
Голлар: 1:0 – 4, пенальти Агуэро, 1:1 – 71 Дефо, 2:1 – 87, автогол Макнейр.
Манчестер Сити – Кабальеро, Стоунз, Коларов, Санья, Клиши (Ихеаначо, 80), де Брюйне, Сильва (Делф, 64), Стерлинг, Фернандиньо, Нолито (Навас, 59), Агуэро.
Сандерленд – Манноне, Лав, Коне, Кабуль, О′Ши, Родуэлл, Гуч (Хазри, 65), Уотмор (Янузай, 64), ван Анхолт, Дефо (Макнейр, 83), Борини.
Огоҳлантиришлар: Гуч (42), Лав (67), Коларов (90).