"Реал" охирги уч мавсумда икки марта ЕЧЛ, икки марта УЕФА Суперкубоги ва бир марта клублар ўртасида жаҳон чемпионатида ғолиб чиқиш орқали 123 миллион евро миқдорда мукофот пулларига эга бўлди.
"Қироллик клуби" 2014 йилда чемпионлар лигаси ғолиблиги учун 57 миллион евро, шу йили УЕФА Суперкубоги ғолиблиги учун 4 миллион евро ва клублар ўртасида жаҳон чемпионати ғолиблиги учун 4,7 миллион евро ишлаб олган эди.
Бу йилда эса мадридликлар яна чемпионлар лигаси ғолиби бўлдилар ва 53,5 миллион евро ишладилар. Ўтган ҳафтада УЕФА Суперкубогидаги ғалаба уларга қўшимча 4 миллион еврони келтирди.
"Реал" бу йил ҳам клублар ўртасида жаҳон чемпионатида қатнашади.
