Рио-2016 олимпиадасида, бир неча кун олдин, сувга сакраш спортчилари беллашадиган бассейн яшил тус олган эди. Ташкилотчилар буни майда сув ўтларининг кўпайиши билан изоҳлаган эди. Энди эса буни асл сабаблари аён бўлди.
Гап шундаки, бир неча кун олдин ишчилардан бири у ерга 160 л водород перекисини қуйган. Натижада сувдаги хлор фаоллигини йўқотган ва майда сувўтларининг кўпайиб кетишига сабаб бўлган. Ташкилотчилар эса сувдаги хлор миқдорини оширишган. Оқибатда хлорнинг кўплигидан спортчиларнинг кўзи ачиша бошлаган.
Энди бассейн суви тўлиқ алмаштирилади. Бунга тахминан 10 соат сарфланади: 6 соат сувни оқизиб юборишга, 4 соат тўлдиришга.
