"Манчестер Сити" ушбу ҳафтада "Барселона" билан дарвозабон Клаудио Бравонинг трансферини келишиб олмоқчи.
Goal.com хабарига кўра, англияликлар чоршанба куни "Севилья"га қарши Испания Суперкубоги жавоб учрашувидан каталонияликлар билан музокара бошламоқчилар.
"Сити" дастлаб "Барселона"нинг бошқа дарвозабони Марк-Андре тер Штегенни сотиб олмоқчи эди, аммо унинг учун каталонияликлар 66 миллион евро талаб қилишди.
Хабарларга кўра, Браво "шаҳарликлар" билан шахсий шартномасини келишиб олган, унинг трансфер суммаси 20-25 миллион евро атрофида бўлиши кутилмоқда.
