«Севилья» дарвозабони Серхио Рико Испания суперкубогининг дастлабки ўйинида «Барселона»га (0:2) мағлуб бўлганига қарамасдан, нуфузли совринни ютиб олиш имконияти сақланиб қолганини гапирди.

«Ижобий натижага эриша олмаганимиздан ғазабландик. Биринчи бўлимда бир қанча имкониятлар бўлди, аммо улардан фойдалана олмадик. «Севилья» ўйинни назорат қилиб турди, аммо рақиб дастлабки хавфли вазиятни голга айлантира олди. Шундан сўнг ўйин тизгинини қўлдан чиқардик. «Барселона» билан тенгма-тенг ўйнадик, ҳали ҳеч нарса йўқотилмади» - деди Рико AS хабарида.

Жавоб ўйини 18 август куни ўтказилади.