"Нефтчи" - "Локомотив" (1:1) баҳсидан сўнг меҳмонлар устози Андрей Микляев журналистлар саволларига жавоб қайтарди.
- Бугун қийин ва мураккаб ўйинда биз 2 очко йўқотдик. Ўйинни назорат қилган ҳолда хавфли вазиятларни ярата олмадик. "Локомотив"га қарши кўплаб рақиблар мана шундай қарши ҳужум тактикасида ўйнайди. "Нефтчи" ҳам шундай режа асосида ўйин ташкил қилди ва оқибатда чиройли гол қўйиб юбордик. "Нефтчи" ҳимояда яхши ҳаракатланди. Фарғона клуби жуда тартибли ва жамоавий ўйин кўрсатди. Шогирдларимга эътирозим йўқ. Яна бир бор айтиб ўтаман, бугун муҳим очкони йўқотдик. Натижадан қониқмадим. Вазиятлардан фойдалана олмаслик, бизга қимматга тушди. Ғалаба биз кўпроқ яқин эдик. Ҳакамлар ? Улар жиддий хатолар қилишмади. Ҳакамлар ишини яхши баҳолайман.
- "Нефтчи" жамоаси ҳақида қандай фикрдасиз ?
- Икки йилдан бери Андрей Фёдоровдек тажрибали мураббий "Нефтчи"га бошчилик қиляпти. Улар ҳимояда ҳам ҳужумда ҳам яхши ўйнайди. "Бунёдкор" билан баҳсни ҳам кўргандим. "Нефтчи" етакчиларга қарши ўйинларда ҳимоядан тезкор қарши ҳужумга ўтиш тактикасини қўллашини билардик. Бу эса ўз натижасини берди. "Нефтчи" футболчилари эса иродали ўйин кўрсатишди. Ҳаво иссиқ бўлишига қарамай, кўп сонли фарғоналиклар "Нефтчи"ни қўллаб-қувватлашди. Бу таҳсинга сазовор, - деди Андрей Микляев.
"Нефтчи" матбуот хизмати
