Оғир атлетика бўйича вазни 105 кг.гача бўлган эркаклар ўртасида баҳслар бошланди. "А" гуруҳи спортчилари даст кўтариш бўйича машқларни бажаришди.
Эътиборли томони, биринчи йўналишдан сўнг икки нафар ўзбекистонлик спортчи пешқадамликни ўз қўлларига олишди. Иван Ефремов ўзининг барча уринишларидан самарали фойдаланди. Унинг энг яхши натижаси 194 кг. бўлди.
Руслан Нуриддинов эса дастлабки уринишда 190, иккинчисида 194 кг.ни ўзига бўйсундирди. Аммо ҳамюртимиз учинчи уринишда 197 кг.ни кўтара олмади. Шахсий вазнга кўра, Ефремов 1-ўринни эгаллаб турибди.
Қозоғистонлик Александр Зайчиов 193 кг. билан 3-ўринни банд этиб турибди.
Энди спортчилар силтаб кўтариш машқларини бошлашади. Икки йўналиш йиғиндисига кўра ғолиб ва совриндорлар номи аниқ бўлади.