Ўзбекистонлик тўққизинчи боксчи чорак финал йўлланмасини қўлга киритди. 52 кг. вазн тоифасидаги ҳамюртимиз Шаҳобиддин Зоиров мусобақадаги ўзининг иккинчи жангида ғалаба қозонди.

Зоиров нимчорак финалда АҚШлик Антонио Варгасга қарши тактик жиҳатдан жуда яхши жанг олиб борди. Натижада Шаҳобиддин барча раундларда тўлиқ устунликка эга бўлди. 3:0 (29:28, 29:28, 30:27).

Шаҳобиддин Зоиров чорак финалда озарбойжонлик Элвин Мамишзодага қарши рингга чиқади. Ушбу боксчи нимчорак финалда қозоғистонлик Олжас Саттибаевни мағлуб этди. Чорак финал жанглари 17 август куни бўлиб ўтади.