«Барселона» ҳимоячиси Хавьер Маскерано шу йил ёзда клубни тарк этиш ниятида бўлганини маълум қилди. Бироқ Испания клуби унга ишонч билдириб, жамоада қолишини илтимос қилган.
«Барселона» мени қадрлашини ҳар доим ҳис қилганман. Нолишга ҳаққим йўқ. Шунча йил бир жамоа таркибида ўйнаганимдан сўнг, бошқа жамоада ҳам шундай ўйнаб кета оламанми деб қўрқар эдим. «Барселона»ни тарк этмоқчи эдим, буни мухлислар ҳам билишарди. Аммо менга ишонч билдирилди, бунинг учун клубдан миннатдорман» - деди Маскерано Marca хабарида.
Эслатиб ўтамиз, Маскерано «Барселона» билан шартномасини 2019 йилгача узайтирди.
