Айни дамда Бразилиянинг Рио де Жанейро шаҳрида ўтказилаётган ёзги олимпиада ўйинлари давом этмоқда. Катта спорт форумида иштирок этаётган ўзбекистонлик спортчилар медаллар учун кураш олиб боришмоқда. Айниқса, боксчиларимиз муваффақиятли иштирок этишмоқда. Рио Олимпиадасида юртимиз шарафини ҳимоя қилаётган фарғоналик боксчимиз Бектемир Мелиқўзиев ярим финал жангини ўтказди.

Ҳамюртимиз финал остонасида мексикалик Мисаел Родригесга қарши жанг қилди ва рақибини катта устунлик билан мағлуб этган ҳолда финал йўлланмасини қўлга киритди.

Энди у Олимпиада чемпионлиги учун кубалик боксчига қарши жанг қилади. Ушбу жанг 20 август куни бўлиб ўтиши режалаштирилган.

Шундай қилиб фарғоналик ўғлонни финалга чиққани билан табриклаймиз! Финалда ҳам Бектемирга омад тилаб қоламиз. Ғалаба муборак, Фарғона аҳли!