«Челси» бош мураббийи Антонио Конте замонавий трансфер бозори борасидаги фикрлари билан ўртоқлашди.
«Футболчилар учун ақлбовар қилмас пуллар сўралмоқда. Ҳозир бирор-бир ўйинчини сотиб олиш ҳам қийин бўлиб қолди, чунки ўртамиёна футболчи учун 55 млн фунт сўрашлари ҳам мумкин. Бундай ҳолатда келишиш қийин», — деди Конте.
«Футболчи учун ортиқча пул тўлаш, кўп пул бериш ёқмайди. Ўртамиёна футболчилар учун улар қанча турса, шунча пул бериш керак, 20-30 миллион фунт кўпроқ эмас», — деди «Челси» бош мураббийи.
«Сарфланаётган пуллар меники эмас, бироқ уларни бу йўсинда ишлатиб юбориш менга маъқул эмас. Бу нотўғри», — дея қўшимча қилди италиялик мутахассис.
