«Манчестер Юнайтед» ярим ҳимоячиси Поль Погба «Саутгемптон»га қарши Англия Премьер-лигаси 2-тур учрашувидан сўнг ўз фикрлари билан ўртоқлашди. 

Эслатиб ўтамиз, «Саутгемптон»га қарши ўйинда «МЮ» 2:0 ҳисобида ғалаба қозонди, мазкур учрашув Погба учун Англияга қайтганидан кейинги биринчи ўйин бўлди. 

«Мен жамоа учун жуда хурсандман. Шу руҳда давом этишга, янада яхшироқ ҳолатга кириб, ғалабаларда давом этишга умид қиламан. Ўзимни жуда яхши ҳис қиляпман», — деди Погба. 

«Хотиржам, асабийлашмасдан, ўз ўйинимни кўрсатдим. Бу ерга ғалаба қозониш мақсадида келдим. Бу менинг доимий истагим. «МЮ» — топ-клуб ва биз ғалабаларга одатланишимиз керак», — деди Погба. 

«Ўйинда биринчи тўпга тегинишимда уни йўқотдим, бироқ кейин мослашиб, ўзимни яхши ҳис қилдим. Биз катта нарсалар ҳақида орзу қиляпмиз. Бу мавсум кўп нарсага эриша оламиз», — дея қўшимча қилди Погба.