Эркин кураш спорти бўйича мусобақада ҳамюртимиз Ихтиёр Наврўзов бронза медал учун Мўғулистонлик Мандахнаран Ганзориг билан беллашди.
Кураш якунланишига 10 секунд қолганида мўғул спортчиси 7:6 ҳисобида олдинда эди. Бироқ у нимагадир Наврўзовдан қоча бошлади ва қўлларини кўтариб ғалабани нишонлай кетди. Бу эса кураш қоидаларига зид бўлиб, курашдан бош тортиш деб баҳоланди ва Наврўзовга 1 балл қўшиб берилди. Натижада ҳисоб 7:7 бўлди ва вақт тугади.
Кураш спорти қоидасига биноан, ўйинда дуранг натижа қайд этилса, сўнгги очкони олган спортчи ғолиб деб эълон қилиниши туфайли, Ихтиёр Наврўзов бронза медали соҳиби бўлди. Қўпол қилиб айтганда, Ганзориг ўзининг аҳмоқлиги туфайли ғалабани қўлдан чиқарди.
Энг қизиғи жангдан сўнг содир бўлди. Мўғулистонлик мураббийлар ҳакамларнинг бундай қароридан норози бўлиб, ечина бошлашди. Аммо бу ҳаракатларнинг фойдаси бўлмади.
