Жорий йилнинг 23-24 август кунлари Европа Чемпионлар лигаси плей-офф ўтиш босқичидан ўрин олган жавоб учрашувлари бўлиб ўтади.
"УзРепорт ТВ" телеканали ушбу босқичдан ўрин олган иккита учрашувни "жонли" эфирда намойиш қилади.
Жумладан, 23 август куни Тошкент вақти билан соат 23:45да "Рома" - "Порту" учрашуви мухлислар эътиборига ҳавола қилинади. Мазкур ўйинни Ёқубжон Бобожонов ўзбек тилида, Отабек Джураев эса рус тилида шарҳлаб боришади.
24 август куни эса соат 23:45да "Ростов" - "Аякс" жамоалари ўртасидаги ўйин тўғридан-тўғри эфирга узатилади.Ушбу учрашувни ўзбек тилида Даврон Файзиев, рус тилида эса Жасурбек Гайбуллаев шарҳлаб боришади.
Эслатиб ўтамиз, ҳар икки жуфтликдан ўрин олган жамоалар дастлабки ўйинда 1:1 ҳисобида дуранг қайд этишганди.
