Испания чемпионати ҳам бошланди. Ҳамманинг эътибори мусобақаларда. Биринчи турдаёқ "Атлетико" очко йўқотди. Энди мутахассис-у мухлисларда турли саволлар пайдо бўла бошлади. Биз бу йилги Испания чемпионатида қандай саволлар учраши мумкинлигни таҳлил қилдик.
1. Ким зўрроқ-Месси ёки Роналду?
Менимча ҳар доимгидек бу савол ҳамманинг эътиборидан четда қолмайди. Афсоналардан бири Португалиянинг чемпион бўлишида ўз ҳиссасини қўшди иккинчиси эса Аргентинани чемпион қила олмади. Португалиялик футболчи «Олтин тўп»га катта қадам қўйди. Месси ҳам қараб турмади. У ўзгарди. У энди Малласоч!
2. “Малага” янги “Лестерми”?
“Малага”дан кўп нарса кутилмоқда. Испанияда «Лестер»дек чампион бўлиш жуда қийин. Лекин «Малага» кучли учликдан кейинги ўринда жойлашса ҳам катта муваффақиятга эришган бўлади.
3. Денис Черишов қандай ўйин кўрсатади?
Денис «Вильярреал» жамоасига ўтган бу йилнинг ёрқин воқеаларидан бўлиши мумкин, айнан футболчи учун. Лекин доим таъқиб қиладиган жароҳат ва мураббийлар унинг келажагига қандай таъсир қилар экан. Бу саволга мавсум сўнгида жавоб топамиз.
4. Нани “Валенсия” жамоасини қутқара оладими?
“Валенсия” жуда кўп футболчилар билан хайрлашди. Зотко, Монтойю ва Нанилар таклиф қилинди.
“Валенсия” клубининг режаларини ўйинлар давомида билиб оламиз.
5.“Леганес” – янги “Эйбар”ми?
2013/14 йилларда Мадрид клуби учинчи дивизионда ўйнар эди. 88 йиллик тарихида”Леганес” клуби биринчи марта Примерода ўйнайди. Натижалардан умид қилиш қийин, лекин ҳеч бўлмаса клуб ўзининг бюджетини кенгайтириш имкониятига эга бўлади.
6. Бу мавсум Симеоне ва Гризманнинг “Атлетико”даги сўнгги мавсумими?
“Атлетико” клуби кўпгина совринларга бир қадам қолганда қоқилишмоқда. Жамоа мутасаддилари эса мураббий ҳамда футболчиларга ишонч билдиришда давом этмоқда. Ким билсин бу йил ё футболчи ёки мураббий ёки бўлмаса жамоа мутасаддилари совринлар қўлга киритилавермаса ўртадаги шартномани бекор қилишга қарор қилар…
7. Бу мавсумда нечта мураббий истеъфога чиқарилади?
Икки мавсумда 11 мураббий ўз ишини алмаштиришга мажбур бўлди. Ўтган мавсумда 6 клуб жамоанинг асосий мураббийини алмаштирди. Кўрамиз бу йил бу рўйхат камаядими ёки ошади.
8. Чемпионлар Лигасининг 4-йўлланмасини ким қўлга киритади?
Биз кучли учликни олдиндан айтиб ўтишимиз мумкин. Уларни ўрни ўзгарса-да кучли учликда қолишлар аниқ. Испанияда грандлардан ортган тўртинчи йўлланма учун кураш авжида бўлади? Бу йўлланма кимга насиб қилар экан? Энг яхши вариантлар албатта “Атлетик” ёки “Севилья”,
9. Зидан қандай ўйин кўрсатади?
“Қироллик” клубини яна чўққига чиқаришга ҳаракат қилаётган мураббий ўтган мавсумда бу ишни яхши уддалади. Бу мавсумда ҳам унинг “юриши” давом этадими? Европада “Реал” яна тенгсизга айланадими? Анчелотти ҳам биринчи мавсумни яхши ўтказган эди. “Мадрид” кичик кўнгилсизликда ҳам мураббийни алмаштирадиган клуб эканлиги йодимиздан чиқмасин.
10. Бу йил Испания чемпионати қизиқ ўтадими?
Барча футбол мухлислари қайси жамоага мухлислик қилмасин, барибир, муросасиз ўйинларни кутади. Англия чемпионати шунинг учун ҳам ҳамманинг нигоҳида. Бу йил Испания чемпионати ҳам ана шундай кулминатсион ўйинларга бой бўлишини тилаб қоламиз.
Эркин Ғайбуллаев
