Швейцария бош прокуратураси Франц Беккенбауэрга нисбатан коррупция иши бўйича терговни бошлади, деб хабар бермоқда Spiegel.
Машҳур немис футболчиси Германияда ўтган ЖЧ-2006 мусобақасини ташкил қилишда маблағларни ўзлаштирганликда айбланмоқда. Прокуратура фикрига кўра, немислар 6,7 миллион евро миқдорида маҳфий фонд яратиб, ундан чемпионат мезбонини сайлаш маросимида овозларни сотиб олиш мақсадида фойдаланишган. Хусусан, ушбу фонддан Мальта футбол федерациясига пора ажратилган.
Беккенбауэрнинг ўзи барча айбловларни рад қилиб, қоғозларга қарамасдан имзо чекканини таъкидламоқда.
