«Манчестер Юнайтед» яримҳимоячиси Генрих Мхитарян жароҳатдан тез орада фориғ бўлишига умид билдирди. Футболчи Арманистон терма жамоаси таркибида Чехияга (0:3) қарши ўйинда жароҳат олган эди.
«Муҳтарам мухлислар, мен ҳақимда қайғурганингиздан бошим осмонга етди. Энди даволаниш учун Манчестерга қайтдим. Умид қиламанки, тез орада сафга қайтаман» - деб ёзди Мхитарян твиттер саҳифасида.
Мхитарян 4 сентябрь куни бўлиб ўтадиган Арманистон – Дания ўйинини ўтказиб юборади, шунингдек 10 сентябрь куни ўтказиладиган Манчестер дербисида ҳам майдонга тушмайди.
