Испания терма жамоасининг бош мураббийи Хулен Лопетеги ЖЧ-2018 саралашидан ўрин олган Лихтенштейнга (8:0) қарши ўйин ҳақида ўз фикрларини баён қилди. Испания биринчи таймдан сўнг 1:0 ҳисобида олдинда эди.
«Ўйинимиз ва ғалабадан мамнунман. Саралаш мусобақасини яхши бошлаб олиш муҳим эди.
Биз иккинчи таймда зўр ўйнадик, биринчи таймда ҳам яхши эдик. Гол ўтказиб юбормадик, ҳимоячиларимиз яхши ҳаракат қилишди. Италияга қарши ўйинни интизорлик билан кутамиз. Бу ўйиндаги уч очко ҳам муҳим аҳамиятга эга» - деди Лопетеги.
