«Бавария» клубининг бош мураббийи Карло Анчелотти «Барселона»нинг собиқ яримҳимоячиси Хави Эрнандеснинг «Атлетико» клуби ҳақидаги гапларига қўшилмаслигини билдирди. Футболчи «Атлетико» клуби гранд эмас деган маънода гапирган эди.
«Ҳар ким футболга ўзича баҳо беради. Хави тарихдаги энг зўр «Барселона»да ўйнаган, аммо футбол фақат ҳужумдан иборат эмас. Унда яримҳимоя билан ҳимоя ҳам мавжуд. «Атлетико»га қарши ўйнаш фақат «Реал» учунмас, бошқа жамоалар учун ҳам қийин бўлган» - деди Анчелотти AS хабарида.













