10 сентябрь куни Колумбияда старт оладиган футзал бўйича Жаҳон Чемпионатида иштирок этадиган Ўзбекистон терма жамоаси ўзининг кетма-кет икки учрашувини Кали шаҳрида ўтказади.
ЎФФ матбуот хизмати хабарига кўра, Кали шаҳри аҳолиси мундиал давомида Ўзбекистон терма жамоасига мухлислик қилиши мумкин. Чунки шаҳар байроғи Ўзбекистон давлат байроғига ўхшаб кетади.
«Бу факт шаҳар аҳолисининг терма жамоамизга бўлган ҳурматини анча оширганини маҳаллий журналистлар айтиб ўтишди», — деб ёзилади ЎФФнинг Telegram’даги каналида.
Маълумот учун, Кали шаҳар байроғи 1928 йилда ишлаб чиқилган бўлиб, 1954 йилнинг 31 май куни шаҳар рамзи сифатида расман тасдиқланган.
