«Арсенал» клубининг бош мураббийи Арсен Венгер Алексис Санчес томонидан берилган интервью ҳақида ўз фикрини баён қилди. Яқинда Санчес ўзини Месси ва Роналду билан тенглаштирган эди.
«Катта иштиёқ – яхши нарса, футболчиларимда шуни кўришни хоҳлайман. Умид қиламанки, Алексис Месси ва Роналду билан бир сафга чиқиб олади. Улар жуда барқарор футболчилар. Санчес – ҳар бир ўйинда ғалаба қозонишни мақсад қилади, энг яхши бўлишга интилганида айб йўқ. Унда имконият ҳам, қобилият ҳам бор. Унинг вазифаси – шуларни майдонда намойиш этиш» - деди Венгер Goal хабарида.
