Сузиш тури бўйича Олимпия ўйинларининг 23 карра чемпиони Майкл Фелпс Риода яна бир олтин медални қўлга киритишдан аввал муҳим ишни амалга оширди — Аризона штатидан ўзига кўчмас мулк сотиб олди.

Мазкур улкан уй учун сузувчи 2,5 миллион доллар тўлади. Бу катта маблағ эвазига унга майдони қарийб 600 квадрат метр бўлган уй насиб этди. Уйда голь учун майдон ва албатта, бассейн мавжуд. Турар жойни сотиб олиш спортчининг карьераси ниҳоясига етаётган маҳал амалга оширилган энг муҳим қадам бўлди. Фелпс ўз фаолиятини яқинидаги университетда тренер сифатида давом эттиришни мақсад қилган.

Умумий майдони 550 кв.м бўлган кўчмас мулк ўз ичига беш ётоқхона ва 7 ювиниш хонасини олади.

У таббий тошлардан қурилган, поллар эса европа дуб дарахтидан олинган панелдан тайёрланган.

Уйда бир неча меҳмонхона ва дам олиш ҳудудлари мавжуд.

Умумий ҳисобда, уйда 4та каминли хона мавжуд бўлиб, уларга махсус печ дурадгор қарайди.

Бассейн ҳам сузиш бўйича 23 карра олимпия медали соҳибига жуда монанд.

Уй атрофида табиий девор вазифасини ўтовчи мевали дарахтлар ўсади.

Фелпс ўзи учун оқ ва кулранг жилолар уйғунлигидаги услубда ҳона дизайнига буюртма берган.

Ҳаммом ҳашаматли услубдаги қандиллар, эритилган қисмлар ва табиий мармардан тайёрланган кафелдан қурилган.