«Манчестер Юнайтед» бош мураббийи Жозе Моуриньо АПЛнинг 4-тури доирасида «Манчестер Сити»га қарши бўлиб ўтадиган ўйин олдидан ўз фикрларини билдириб ўтди. Жумладан, у Хосеп Гвардиола билан тўқнашувларини эсга олди.

«Буларнинг барчаси мутлақо турли вазиятлар. «Барселона» – бу «Барселона», «Манчестер Сити» эмас. «Интер ва «Реал» – улар ҳам «Манчестер Юнайтед» эмас. Турли ўйинчилар, турли фалсафа, турли мусобақалар. Бизнинг жамоаларимиз ўтмишда кўп тўқнаш келган бўлса, бу нарса кимгадир устунлик бермайди», – дейди Моуриньо.

Эслатиб ўтамиз, Моуриньо ва Гвардиолы жамоалари ўзаро 16 марта тўқнаш келишган. унда 7 марта испаниялик мутахассис ғалабаа қозонган бўлса, 3 марта португалиялик мураббийнинг қўли баланд келган, олти ўйин эса дуранг билан якунланган.